-واحد حلم أن 200درهم توضرات ليه... بقا ناعس 3ايام حلف ميفيق تيلقاها
***
-واحد غادي وقف عليه شفار بموس قال ليه تلفون ديالك قال ليه قيد عندك 061
***
-واحد سول صاحبو على معنى
pourquoiوهو يقول ليه: علاش
وقال ليه: لا غير سولتك
***
-معكاز واحد النهار مراتو كتدق فيالباب نسات الساروت مافيه ماينوضقال ليها: سيري لدار اباك راك مطلقة
***
-واحد ديما كيهز شي حاجة من دارهم واحد النهار شفر بورطابل ديال خوه تاصلو بيه من الدار
قالو ليه : رد البورطابل
وقال ليهم : نتوما اي حاجة تمشي لصقوها فيا
***
-واحد سميتو مبارك شرا حولي داخل بيه للدرب جارتو شافتو من الشرجم
قالت ليه : مبارك الحولي
قال ليها : خدوج النعجة
***
-هادو جوج سكرانين واحد شاف راسو فالمراية هو يقول معرفتش فين شت هاد خينا أعطا لمراية لصاحبو هو يقول ليه هداك أنا الحمار
***
-مردة ترك الزرواطة فوق الطابلة فلما أراد ليخرج
قال لزوجته : حييدي السلاح لا يلعبوا بيه الدراري
***
-هدا مغربي او طلياني او فرنساوي قالو ليهم شكون لي قلبو قاسح وجابو ليهم واحد المراة شارفة جا طلياني بق كيضرب فيها او جى الفرنساوي بقى كيعفط عليها او المغربي كيضحاك قالو ليه : مالك كتضحك
قال ليهم : راه لوليدا هاديك.
***
-هذا واحد شدوه البوليس
قالوليه: اعطينا لاكارت
قال ليهم: واش ديال اتصالات ولا ميديتيل
قالوليه: كاتفلى علينا
شدوه عطاوه واحد سلخة واعرة، ضربوه
قالوليه: كيف جاتك التعبئة
قال ليهم: مزيانة الحمد لله ماكانتش التعبئة مضاعفة
***
-واواحد المعلم سول تلاميد دياولو قاليهم : ما هو اصغر كوكب في الكون؟
فرد احدهم : هو الكوكب المراكشي
***
-واحد اتصل بواحد المطعم: ألو
كارسون: ألو
واش كاين شي عشاء
كارسون: كاين ا سيدي
علاش ما عرضتوش عليا
***
-واحد وقفو بوليسي فالسيارة نتاعو
- قالو……. مالك مادايرش السمطة
- قاليه…… نسيتها فالسروال لاخر
- قالو…… ارا لوراق ديال لوطوموبيل ملي عطاهم لو قالو شفتك ماكاتبانش )زعما فالصورة(
- قالو…. والو الشاف غير من الخدمة لدار ومن الدار لخدمة
- قالو….. واش هاد طوموبيل مسوريا
- قالو….. لا، …..من بركان
- قالو…… واش مزوج
- قالو…… ايه مزوج بمرا
- قالو….. واش شفتي شي واحد مزوج براجل
- قالو…… ايه
- قالو….. شكون
قالو………… ختي
***
-سراق الزيت خرج من الحانوت فرحان
علاش .،؟
حيت لقا تصويرتو ف مبيد الحشرات
***
-هذا واحد غادي إشري 10 دراهم تاع لحشيش بانت ليه سطافيط هو يلوح 10 دراهم
***
-هذا واحد السيد شرا موطور 103 أو شفروه ليه .مشا عاوتاني شرا 103 آخر أوشفروه ليه ..من بعد مشا ديكلارا عند البوليس أو قاليهم شفرو لي 206
***
-هدا واحد الشلح كيقرا فمحو الأمية سولو المعلم قال ليه 60+60 شحال كتساوي قال ليه الشلح 120 أو هو يقول ليه المعلم مالك البارح قلتي لمفتش 140 أو هو يقول ليه الشلح راه زدت عليه حيت هو ماشي من لكليان ديالي
***
-قالك هدا واحد العروبي مشا عند الطبيب ولقى فيه السكر.فاش مشا لدارو وبداو الناس كيزوره كيقولولو اش قالك اطبيب؟ قالهوم قالي الطبيب راك حلو
***
-قال ليك هادا واحد الاستاد رسم للتلاميد ضفدعة وقال ليهوم اش هادي
وهو ينوض واحد الكسول للسبورة وهو يقول ليه هادي جرانة قال ليه الحمار هادي راه ضفدعة
و هو يرجع داك الكسول لبلاصتو وقال لصاحبو العجب كاتبان من البعد بحال شي جرانة
***
-قاليك هذا واحد راجل ماتت ليه مراتو أو ملي مشاو إدفنوها كلش تعجب هوما غادين أهوا ميت بضحك سولوه صحابو علاش كيضحك .أوقاليهم تخيلو معايا لأول مرة كنعرف مراتي فين غادة
***
-واحد ادري كان راكب فتوبيس وقاف توبيس طلعت واحد لمرا كبييرا وهيا تزطام ليه على السبرديلة هوا يكوليها أشريفة راكي زاطمة على10ألف ريال(le prix des espadrilles) وهي تكوليه ديالي أوليدي
***
-واحد جالس كيقرا الجرنال، جات مراتو وضربتو بعصا فوق راسو .. طرررررخ!!! الزوج: «مالك آبنتي ؟؟؟» الزوجه: »الورقه اللي في جيبك ومكتوب عليها «سوسو»؟؟» الزوج: «يا بنت الحلال، هدا أسم العود اللى كانلعبو في التييرسي!» الزوجه صدقتو...
بعد اسبوع، الزوج كيقرا الجرنال ، وفجأة جات مراتو وضربتو بعصا فوق راسو !!
الزوج: «آش كاين تاني يابنت الحلال ؟؟»
الزوجه: »العود معيط ليك فالتليفون..!!»
***
-واحد بركاني كان ماشي مع صاحبتو ولكن هي شافت باباها ماجي قالت ويلي كانخاف بابا يشوفنا
رد عليها البركاني: ماتخافيش قوليلو أنا خوك
***
-هدا واحد الشلح تهرسات ليه قرعة ديال الدوا الحمر فالدار وهو يعيط على مراتو .. فااااااضماااااااا ...جرحي الدراري واجي بالزرب
الجمعة يونيو 19, 2009 1:36 am من طرف 
اليومية
